०८ कार्तिक २०७५, इटहरी
सुनसरीको इटहरीमा राष्ट्रिय अण्डर १९ इटहरी प्रिमियर लिग प्रतियोगिता सुरु भएको छ ।
इटहरी क्रिकेट एकेडेमीको आयोजनामा नेपाल भिभिएम स्कुलको खेल मैदानमा प्रतियोगिता सुरु भएको हो । प्रतियोगितामा राष्ट्रिय स्तरका विभिन्न ६ वटा क्रिकेट टिमले प्रतिस्पर्धा गर्ने जनाइएको छ ।
प्रतियोगितामा काठमाडौं, विराटनगर, भौरवा, धनगढी, आयोजक इटहरी लगायतका टिमहरुको सहभागिता रहेको छ ।
प्रतियोतिगताको इटहरी उपमहानगरपालिकाकी उपप्रमुख लक्ष्मी गौतमले एक कार्यक्रम विच उद्घाटन गरिन । सो क्रममा प्रमुख अतिथी गौतमले खेल क्षेत्रले नेपालीहरुको शिर उच्च वनाइरहेको भन्दै खेलकुद क्षेत्रको विकासमा जोड दिइन ।
आयोजक इटहरी क्रिकेट एकेडेमीका अध्यक्ष कैलाश विष्टको अध्यक्षतामा भएको उद्घाटन कार्यक्रममा जिल्ला खेलकुद विकास समिती सुनसरीका अध्यक्ष अनुरोध थापा, तेक्वान्दो संघ प्रदेश नम्वर १ का अध्यक्ष शैलेष विष्ट, राष्ट्रिय जागृती क्लवका अध्यक्ष सञ्जीव ढुंगाना लगायतका अतिथीहरु रहेका थिए । उद्घाटन खेल आयोजक इटहरी क्रिकेट एकेडेमी र काठमाडौं क्रिकेट टिम विच भएको आयोजक संस्थाका सिपी पौडेलले जानकारी दिए ।
