साफ यू–१५ च्याम्पियनसिप : पाकिस्तानको सेमिफाईनलको स्थान सुरक्षित

१० कार्तिक २०७५, काठमाडौं

साफ च्याम्पियनसिप यू–१५ अन्तर्गत आज भएको खेलमा भुटानलाई हराउँदै पाकिस्तान सेमिफाइनलमा प्रवेश गरेको छ । खेलको पहिलो हाफमै ४–० को अग्रता लिएको पाकिस्तानले दोस्रो हाफमा पनि आक्रामक खेल खेलेपनि भुटानको सुरक्षात्मक खेललाई तल पार्न सकेन ।

पाकिस्तानका लागि खेलको २४ औं मिनेटमा मुद्धसरले गरेको गोलले पाकिस्तानलाई सुरुवाती अग्रता दिलाएको थियो । त्यस्तै खेलको २७ औं मिनेटमा अहमेदले ब्यक्तिगत गोल गरे । त्यसैगरि त्यसको ६ मिनेटमा दोस्रो गोल थप्न सफल भए । खेलको पहिलो हाफ सकिन लागेको बेलमा माईनले गरेको गोलले पाकिस्तानलाई ० का विरुद्ध ४ गोल हानेर आफ्नो सेमिफाईनलको स्थान सुरक्षित गरेको हो ।

पहिलो खेलमा पाकिस्तानले भारतलाई २–१ ले पराजित गरेको थियो । त्यससँगैं पाकिस्तानले समुह बी मा ६ अंक जोडेको छ । आजै हुने दोस्रो खेलमा बंगलादेश र माल्दिभ्सबीच खेल हुने छ । पहिलो खेलमा नेपालद्वारा परजित माल्दिभ्सले अर्को चरणमा पुग्नलाई बंगलादेशलाई हराउनै पर्छ । आयोजक नेपालले भने अन्तिम खेल भोली बंगलादेशसँग खेल्ने छ ।