१० कार्तिक २०७५, काठमाडौं
साफ यू–१५ च्याम्पियनसिप अन्तर्गत आज सम्पन्न खेलमा बंगलादेशद्वारा भुटान फराकिलो गोलअन्तरले पराजित भएको छ ।
सातदोबाटोस्थित एन्फा कम्प्लेक्समा भएको खेलमा बंगलादेशले ० का विरुद्ध ९ गोल हानेको हो । यस जितसँगैं बंगलादेशले सेमिफाईनलमा प्रवेश गरेको छ भने, भुटान लागातार दुई खेल हार्दै खेलबाट बाहिरिएको छ । खेलको पहिलो हाफमा ४ गोल हानेको बंगलादेशले दोस्रो हाफमा ५ गोल थप्न सफल भएको हो ।
समुह ए मा नेपाल र बंगलादेशको समान अंक ३–३ छ । यसअघि भएको खेलमा पाकिस्तानले भुटानलाई ४–० ले हराएको थियो ।
