१२ कार्तिक २०७५, काठमाडौं
स्वास्थ्यमा थप समस्या आएपछि प्रधानमन्त्री केपी शर्मा ओली आज बिहान त्रिभुवन विश्वविद्यालय शिक्षण अस्पतालमा भर्ना भएका छन् ।
शिक्षण अस्पतालभित्र रहेको मनमोहन हार्ट सेन्टरमा प्रधानमन्त्रीको उपचार भइरहेको छ । केही दिनदेखि प्रधानमन्त्रीको स्वास्थ्यमा समस्या देखिएको थियो ।
यसैबीच, प्रधानमन्त्री ओलीलाई भेट्न नेकपा अध्यक्ष पुष्पकमल दाहाल प्रचण्ड अस्पताल पुगेका छन् । अध्यक्ष प्रचण्डले प्रधानमन्त्री ओलीको स्वास्थ्यबारे जानकारी लिएका छन् ।
आइतबार सचिवालयले एक प्रेस नोटमार्फत ओलीलाई मौसमी रुघाखोकी र हल्का ज्वरो आएको जानकारी दिएको थियो । प्रधानमन्त्री ओलीको स्वास्थ्यमा क्रमिक सुधार आएको जानकारी सचिवालयले दिएको थियो । तर, स्वास्थ्यमा पपप समस्या देखिएपछि उनलाई सोमबार बिहान तीनबजे तिर महाराजगञ्ज स्थित त्रिवि शिक्षण अस्पताल भर्ना हो ।
प्रधानमन्त्री ओलीको छातीमा संक्रम देखिएको डा. अरुण सायमीले जानकारी दिए ।
