चलचित्र गुनगुनको नयाँ गीत रिलिज, सञ्चिता छिन् फिचरिङमा

१२ कार्तिक २०७५, काठमाडौँ

नायिका सञ्चिता लुईटेल कुनै समयकी निकै चर्चित नायिका हुन् । तर नायक निखिल उप्रेतीसँग विवाह गरेदेखि नेपाली चलचित्र क्षेत्रबाट टाढिएकी सञ्चिता कमै मात्रामा चलचित्रमा देखिन गर्छिन् । पछिल्लो समय उनले अभिनय गरेको चलचित्र राधा प्रदर्शनमा आएको थियो र उक्त चलचित्रले राम्रो व्यापार गरेको थियो । अहिले नायिका सञ्चिताले अभिनय गरेको चलचित्र गुनगुन प्रदर्शनको तयारीमा रहेको छ । हालैमात्र चलचित्र गुनगुनको नयाँ गति सार्वजनिक भएको छ ।

प्रदिप भट्टराईको शब्द र विकाश चौधरीको संगीत रहेको छम्क्यो तारा बोलको गीतमा मेलिना राई र दौलाई राईको आवाज रहेको छ । उक्त गीतमा चलचित्रकी नायिका सञ्चिता लुईटेललाई फिचरिङ गराइएको छ । उक्त गीतलाई रामजी लामिछानेले कोरियोग्राफी गरेका हुन् । चलचत्रि गुनगुन कार्तिक ३० बाट देशव्यापी रुपमा प्रदर्शनमा आउने भएको छ ।