सरोज र कविताको नयाँ म्युजिक भिडियो सार्वजनिक

१२ कार्तिक २०७५, काठमाडौँ

नेपालको चर्चित डान्स रियालिटि शो बुगीवुगीकी विजेता कविता नेपालीको चर्चा दिनप्रतिदिन बढ्दै गएको छ । बुगीवुगी विजेता भएपछि जताततै उनको चर्चा चुलिएको छ । उनको म्यूजिक भिडियोमा निकै डिमाण्ड बढिरहेको छ ।

पहिलो म्यूजिक भिडियो सफल भएप्छि अहिले उनले अरुपनि म्यूजिक भिडियोहरु गरिरहेकी छिन् । केहि सुटिङ हुने क्रममा छन् भने केहि गीतहरु रिलिज हुने क्रममा छन् । केहिदिन अगाडि मात्र कविताले बुगीवुगीकै सेकेण्ड रनर अप सरोज मोक्तानसँग एउटा म्यूजिक भिडियो खेलेकी छिन् ।

राजेश कुमार श्रेष्ठको शब्द र रमेश कायसतको संगीत रहेको रातो गलबन्दी बोलको गीतमा मेलिना राई र विश्व नेपालीको आवाज रहेको छ । उक्त गीतमा सरोज र कवितालाई फिचरिङ गराइएको छ । उक्त गीतलाई सरोज आफैँले कोरियोग्राफी गरेका हुन् । निकै डान्सिङ शैलीको गीतमा सरोज र कविताको दमदार डान्स देख्न सकिन्छ ।