चलचित्र चङ्गा चेटको टाइटल गीत सार्वजनिक

१३ कार्तिक २०७५, काठमाडौँ

यसबर्षको प्रतिक्षित चलचित्रमध्येको चङ्गा चेट पनि एक हो । सुटिङ अगावै निकै चर्चामा रहेको चलचित्र चङ्गा चेट यतिबेला प्रदर्शनको अन्तिम घडीमा छ ।आगामी शुक्रबार अर्थात् कार्तिक १६ बाट चलचित्र चङ्गा चेट देशव्यापी रुपमा प्रदर्शनमा आउँदै छ । भर्खरै मात्र चलचित्र चङ्गा चेटको शीर्ष गीत सार्वजनिक भएको छ ।

कोशिश क्षेत्रीको शब्द, संगीत र आवाज रहेको चङ्गा चेट बोलको गीतमा चलचित्रका मुख्य नायक आयुष्मान देशराज जोशीलाई फिचरिङ गराइएको छ । बेरोजगारी र प्रेमको कथा बोकेको चलचित्र चङ्गा चेट कमेडि जनरामा तयार भएको छ । चलचित्र चङ्गा चेटमा प्रियंका कार्की, आयुष्मान देशराज जोशी, सन्दिप क्षेत्री, सुरक्षा पन्त, परमिता राणा, रबिन्द्र झा लगायतका कलाकारको अभिनय रहेको छ ।