चर्चित बाल गायक मनिष लिम्बु अब चलचित्रमा पनि देखिदैँ

१३ कार्तिक २०७५, काठमाडौँ

युट्युबमा दिनानुदिन भाइरल बन्दै गएका मनिष लिम्बु सानै उमेरमा आफ्नो स्वरका कारण सबैको प्रिय बन्न सफल भएका छन् । आफूलाई मेलिना राईको फ्यान बताउने मनिष मेलिना राईको गीतहरु बढी सुन्ने बताउँछन् । आफ्नो मिठो आवाजले सबैको मनमा बस्न सफल मनिष अब गायक मात्र नभएर बाल कलाकार पनि बन्ने भएका छन् ।

मिलन चाम्स नेपालका नाम चलेका निर्देशक हुन् ।उनले केहि सफल चलचित्रहरु निर्माण गरिसकेका छन् । अब उनले आफ्नो चलचत्रिमा भाइरल ब्वाई मनिष लिम्बुलाई पनि भित्राउने भएका छन् । मनिष अहिलेका चर्चित बाल गायक हुन् । उनले केहिदिन अगाडि मात्र नेपालकी चर्चित गायिका मेलिना राईसँग गीत रेकर्ड गराएका थिए । अब यिनै बाल गायक मिलन चाम्सको नयाँ चलचित्र विर विक्रम २ मा बाल कलाकारको रुपमा देखिने भएका छन् । यो कुराको जानकारी मिलनले आफ्नो आधिकारीक फेसबुकमार्फत् गराएका हुन् । चलचित्र विर विक्रम २ अब केहि हप्तापछि सुटिङ फ्लोरमा जाने मिलनले बताएका छन् ।