१३ कार्तिक २०७५, काठमाडौँ
चङ्गा चेट यो बर्षको प्रतिक्षित चलचत्रि हो । मल्टिस्टार कलाकार रहेको चलचित्रको गोजीमा दाम छैन बोलको गीतले यतिबेला सर्वाधिक सफलता पाइरहेको छ । आजभोली बच्चादेखि बुढासम्म सबैको मुखमा यो गीत झुण्डिएको छ । यो गीतले युट्युबमा पनि सर्वाधिक भ्यूज पाइरहेको छ । उक्त गीतले डेढ करोड बढी भ्यूज पाइसकेको खुसियालीया आज राजधानीमा चलचत्रि टिमले केक काटेको छ ।
सानो कार्यक्रम गरी चलचित्रको गीतको सफलता मनाउँदै चलचित्र टिमले केक काटेको हो । उक्त कार्यक्रममा चलचित्रका दुई नायिका सुरक्षा पन्त र परमिता राणा सहित चलचत्रिका निर्देशक, निर्माता र संगीतकार पनि उपस्थित भएका थिए । त्यतिमात्र नभएर उक्त कार्यक्रममा चलचित्रका निर्देशक दिपेन्द्र के खनालले गोजीमा दाम छैन गीतका संगीतकार राजनराज शिवाकोटीलाई ५० हजारको चेक पनि दिएका छन् ।उनले यो गीत रेकर्ड हुँदा गीतले युट्युबमा १ करोड भ्यूज पाएमा ५० हजार दिने बताएका रहेछन् । सोहि अनुरुप दिपेन्द्र आज केक काट्दै राजनराजलाई ५० हजारको चेक हस्तान्तरण गरेका हुन् । उनले उक्त ५० हजार राजनराजको पारिश्रमिक नभएर उनले दिएको उपहार बताएका छन् ।
