प्रियंका र आयुष्मानको प्रेमदिवसको छायांकन शुभारम्भ

१३ कार्तिक २०७५, काठमाडौँ

नायिका प्रियंका कार्की र नायक आयुष्मान देशराज जोशीको प्रेमसम्बन्धबारे थाहा नहुने कमै होलान् । उनीहरु लामो समयदेखि एकअर्काको प्रेमसम्बन्धमा छन् । यो जोडिले केहि समयअघि मात्र इन्गेजमेन्ट गरेको थियो । अर्का बर्षको असारमा विवाह गर्ने याजना रहेको आयुष्मान र प्रियंकाले बताएका छन् । यी दुईले एकसाथ काम गरेको चलचित्र चङ्गा चेट प्रदर्शनको अन्तिम चरणमा छ ।

प्रियंका र आयुष्मानको अर्को पनि चलचित्र आउने भएको छ । पहिले राधा २ भनेर नाम राखिएको चलचित्र अहिले प्रेमदिवस भएको छ । हाल प्रियंका र आयुष्मान यहि चलचित्रमा व्यस्त छन् । म्यूजिकल लब स्टोरीमा आधारित चलचित्रको छायांकन यतिबेला झापाको रमणीय ठाउँमा भैरहेको छ । चलचित्र यहि बर्षको चैत्रमा प्रदर्शन गरिने चलचत्रिका निर्देशकले जानकारी गराएका छन् ।