सुपरहिट गीत नगर दोमनको रिमेक गीत सार्वजनिक, रिमेक गीतमा पनि देखिए सरोज

१४ कार्तिक २०७५, काठमाडौँ

सरोज खनाल नेपालका बरिष्ठ कलाकार हुन् । उनले धेरै सुपरहिट चलचित्रमा काम गरेका छन् । त्यतिमात्र नभएर अहिले पनि उनी चलचित्र क्षेत्रमा सक्रिय नै देखिएका छन् । उनको सर्वाधिक सफल चलचत्रि ज्वालाको नगर दोमन बोलको गीत आज पनि निकै हिट छ । त्यस गीतलाई फेरि रिमेक गरिएर नयाँ भर्जन निकालिएको छ । उक्त नयाँ भर्जन भर्खरै मात्र बजारमा सार्वजनिक भएको छ ।

बुद्धविर लामाको शब्द र शिला बहादुर मोक्तानको संगीत रहेको नगर दोमन बोलको गीतमा विराज गौतम र मेलिना राईको आवाज रहेको छ । उक्त गीतमा आशिरमान देशराज जोशी, शिल्पा मास्के र सरोज खनाललाई फिचरिङ गराइएको छ ।पुरानो गीतलाई रिमेक गराउँदा यो गीत अझ राम्रो र मिठो शैलीको बनेको छ । उक्त गीत चलचित्र ब्रेकअपमा समावेश गरिएको हो ।