२० बर्ष लामो भारतीय चर्चित शो सिआईडी भयो समाप्त

१४ कार्तिक २०७५, काठमाडौँ

भारतीय टेलिभिजन सोनीबाट प्रशारण हुने बहुचर्चित शो सिआईडी बन्द हुने भएको छ । सिआईडी सोनी च्यानलबाट प्रशारण हुने शो मध्ये सबैभन्दा बढी हिट शो हो । यो शो साना बच्चादेखि ठूला ठूला उमेर समूहका मानिसले पनि निकै रुचाएर हेर्ने गर्थे । तर अब सिआईडीका फ्यानहरुले सिआईडी हेर्न नपाउने भएका छन् ।

सिआईडी सबैले रुचाएको शो भएपनि एउटै खालको कथावस्तु र घटना देखाईने भएकाले यसको टिआरपी घट्दै गएर यो शो बन्द हुन लागेको हो । विगत २० बर्षदेखि चल्दै आएको सिआईडी बन्द हुने भएपछि सिआईडीका फ्यानहरुले यसको निकै आलोचना गरेका छन् । अझ यसका फ्यानहरुले त अब सिआईडी सिजन २ पनि ल्याउनु पर्ने बताएका छन् ।तर सिआईडीका कलाकारहरु भने सिआईडी सिजन २ आउने सम्भावना अत्यन्तै न्यून रहेको बताउँछन् । यसरी हेर्दा अब सिआईडी मन पराउने दर्शकहरुले सिआईडी हेर्न नपाउने भएका छन् ।