विद्यालयहरुबीचमा मैत्रीपुर्ण सम्बन्ध स्थापित गर्न फुटसल प्रतियोगिता हुँदै

१४ कार्तिक २०७५, काठमाडौं

नर्थ वेस्टन प्राइभेट स्कूल अर्गनाइजेसन नोप्सोको आयोजनामा आगामी शनिबार अन्तर विद्यालय फुटसल प्रतियोगिता हुने भएको छ ।

नोप्सोका अध्यक्ष दिलीप रेग्मी अनुसार स्वयम्भू ठूलो भर्याङको बुद्धचोक फुटुल पार्कमा हुने प्रतियोगितामा सम्पन्न हुनेछ । जसमा उपत्यकाका १२ विद्यालयको सहभागिता रहने जनाईएको छ । विद्यालयहको बीचमा मैत्रीपुर्ण सम्बन्ध स्थापना गर्नु र विद्यार्थीको प्रतिभा प्रस्फुटनका लागि आयोजना हुन लागेको फुटसल लिगकम नकआउटका आधारमा सञ्चालन हुनेछ ।

‘विद्यालयहरुबीचको आपसी सम्बन्धलाई जस्ताको तस्तै राख्ने प्रतियोगिताको मुख्य उद्देश्य हो’ अध्यक्ष रेग्मीले भने । एक दिने प्रतियोगितामा सहभागी विद्यालयलाई दुई समूहमा विभाजन गरिने र समूहका शीर्ष दुई टोली सेमिफाइनलमा पुग्ने छन् ।