पूजाको अघिल्लो चलचित्र ‘सम्हालिन्छ कहिले मन’, गर्दैछिन् नयाँ नायकसँग रोमान्स

१४ कार्तिक २०७५, काठमाडौँ

पूजा शर्मा नेपालकी स्थापित नायिका बनिसकेकी छिन् । चलचित्र मधुमास बाट नेपाली रजतपटमा आएकी पूजा प्रेमगीत बाट चर्चामा आएकी हुन् । उनको पहिलो चलचित्र त सफल हुन सकेन ।तर प्रेमगीत सफल भएसँगै पूजा सबैको नजरमा नोटिस हुन पुगिन् । केहिसमय अघिमात्र उनीद्धारा अभिनीत चलचित्र रामकहानी प्रदर्शनमा आएको थियो । उक्त चलचित्र बक्स अफिसमा सफल पनि भयो । आजभोली पूजाको निकै चर्चा बढेको छ । उनले धेरै फ्यानहरु पनि कमाईसकेकी छिन् ।

अब त पूजाको चलचित्र भनेपछि हलमा यसै दर्शकहरु आउने भैसकेका छन् । उनी आफ्नो कडा पििरश्रम र अडियन्सको माया पाएर नै आफू सफल भएको बताउँछिन् । अब चाडैँ नै पूजाको नयाँ चलचित्र आउने भएको छ । सुदर्शन थापाले निर्देशन गर्ने नयाँ चलचित्र सम्हालिन्छ कहिले मन नाम चलचित्रमा उनी अनुबन्धित भएकी छिन् । हुन त पूजाले सुरुवात देखि नै सुदर्शनको मात्र चलचित्रमा काम गर्दै आएकी छिन् । आर्यन सिग्देल, प्रदिप खड्का, आकाश श्रेष्ठजस्ता चर्चित कलाकारहरुसँग काम गरिसकेकी पूजाले आफ्नो अघिल्ले चलचित्रका लागि नयाँ नायक रोजेकी छिन् । अब केहि महिनापछि चलचित्र फ्लोरमा जाने पूजाले बताएकी छिन् ।