१४ कार्तिक २०७५, काठमाडौँ
निर्देशक रेनशा वान्तवा राईले पहिलो पटक निर्देशन गरेको चलचित्र इन्टु मिन्टु लण्डनमा केहि समय अगाडि प्रदर्शनमा आएको थियो । अहिलेकी सर्वाधिक हिट नायिका साम्राज्ञी राज्यलक्ष्मी शाह र युवापुस्तामा निकै चर्चित नायक धिरज मगर स्टारर चलचित्र बक्सअफिसमा सफल साबित भयो । चलचित्र हेर्ने सबै दर्शकले चलचित्रबारे राम्रो प्रतिक्रिया दिए ।
नेपालमा चलचित्रको व्यापार राम्रो भएकाले चलचित्रलाई अन्य मुलुकबाट पनि अफर आउन थालेको थाल्यो । जसको लागि केहि समय अघि नायिका साम्राज्ञी राज्यलक्ष्मी शाह र नायक धिरज मगर चलचित्रको प्रदर्शनको लागि अष्ट्रेलिया पुगेका थिए । अष्ट्रेलियाको विभिन्न सहरहरुमा सफल प्रदर्शन गरेपछि यतिबेला चलचित्र प्रदर्शनको लागि चलचित्रकी निर्देशक रेनशा वान्तवा राई र धिरज मगर कोरिया पुगेका छन् । चलचित्रको प्रदर्शन धेरै ठाउँमा गर्नुपर्नु भएकाले साम्राज्ञी अर्को देशमा गएकाले धिरज र रेनशा कोरिया पुगेको चलचित्रकी निर्देशक रेनशाले बताएकी छिन् । जे होस् नेपालमा र बाहिर प्रदर्शन गरेर चलचित्र इन्टु मिन्टु लण्डनमा ले निकै कमाई गरिरहेको छ ।
