चर्चित नायिका प्रियंका कार्कीको तिहार गीत सार्वजनिक

१४ कार्तिक २०७५, काठमाडौँ

अहिले नेपालमा चाडपर्वहरुको लहर लागिरहेको छ । नेपाल बहुसंस्कृति देश भएकाले यहाँ धेरै थरीका चाडपर्वहरु मनाइने गरिन्छ । तर विशेष गरी नेपालीहरुले बडा दशैँलाई आफ्नो सबैभन्दा ठूलो र महान चाडको रुपमा मनाउने गर्छन् । अहिले भर्खरै दशैँको रमझम सकिदाँ फेरिहामी नेपालीहरुको अर्को ठूलो चाड तिहार नजिकिदैँ छ । तिहार पनि नेपालीहरुको विशेष र महत्वपूर्ण चाड हो । तिहार नजिकिदैँ गर्दा बजारमा तिहार सम्बन्धी नयाँ नयाँ गीतसंगीतहरु आइरहेका छन् ।

भर्खरै मात्र बजारमा तिहारको एक मार्मिक गीत सार्वजनिक भएको छ । माईती नहुँदा चेलीमा परेको पिडालाई गीतमा प्रस्तुत गर्न खोजिएको छ । माया मगर र दिल माया मगरको शब्द र उत्तम जंग लिम्बुको संगीत रहेको ए चरी बोलको गीतमा प्रियंका कार्की, उत्तम जंग लिम्बु र राजेश श्रेष्ठलाई फिचरिङ गराइएको छ ।