१५ कार्तिक २०७५, काठमाडौँ
नायिका दिपिका प्रसाई नेपाली चलचित्र क्षेत्रकी स्थापित नायिका बनिसकेकी छिन् । उनले खेलेको पहिलो चलचत्रि ऐश्वर्य बक्सअफिसमा सफल साबित भएको थियो भने उक्त चलचित्रको तिमी रोएको पल गीत अझै पनि निकै चर्चित छ । ऐश्वर्य पछि उनले काम गरेको चलचित्र छक्का पञ्जा ३ ले त झन् बक्सअफिसमा सर्वाधिक कमाई गर्ने चलचत्रिको रेकर्ड नै बनाएको छ । यसरी हेर्दा उनी सुरुवाती क्रममा नै सफल देखिएकी छिन् ।
दिपिकाको चलचित्रले सपफलता पाएसँगै उनको पनि चर्चा निकै चुलिएको छ । हालैमात्र दिपिकाको बारेमा नयाँ खबर बाहिरिएको छ । उनले केहिदिन अगाडि मात्र निर्देशक दिवाकर भट्टराईसँग इन्गेजमेन्ट गरेकी छिन् । दिपिकाको उनीसँग चार बर्षदेखि प्रेम सम्बन्ध रहेछ । तर दिपिकाले आफ्नो प्रेमबारे कतैपनि खुलासा भने गरेकी थिइनन् ।
चार बर्षसम्म आफ्नो प्रेम गोप्य राखेकी दिपिका आफ्नो इन्गेजमेन्ट पछि भने खुलेआम आफ्नो प्रेम सबैलाई देखाउन सक्ने भएकी छिन् । हाल दिपिका र दिवाकार थाईल्याण्ड पुगेका छन् । उनीहरुले आफ्नो एक तस्बिर फेसबुकमा पोस्ट गरेका छन् ।जसबाट उनहिरुबीच गहिरो प्रेम रहेको अनुमान लगाउन सकिन्छ ।
