नायिका बर्षा राउतको चलचित्र चौका दाउ को मेरा माया कतारमा बोलको गीत रिलिज

१६ कार्तिक २०७५, काठमाडौँ

नायिका बर्षा राउत नेपालकी निकै चर्चित र स्थापित नायिका हुन् । निकै छोटो समयमा चर्चा कमाउन सफल नायिका बर्षा राउतले चलचित्र नाई नभन्नु ल ४ बाट नेपाली चलचित्र क्षेत्रमा पाईला चालेकी हुन् । उनी नायिका हुनुभन्दा अगाडि स्थापित मोडल बनिसकेकी थिइन् । आजभोली उनी एकपछि अर्को चलचित्रमा व्यस्त हुन थालेकी छिन् । भर्खरै मात्र नायिका बर्षा राउतले खेलेको चलचित्र चौका दाउ को एक आईटम गीत सार्वजनिक भएको छ ।

श्रीपुरुष ढकालको शब्द र शम्भुजित बास्कोटाको संगीत रहेको मेरो माया कतारमा बोलको गीतमा नायिका बर्षा राउत र सोनिकालाई फिचरिङ गराइएको छ । यो नायिका बर्षा राउतले गरेको पहिलो आईटम नृत्य हो । उक्त गीतलाई बसन्त श्रेष्ठले कोरियोग्राफी गरेका हुन् । चलचित्र चौका दाउ पुष २७ बाट देशव्यापी रुपमा प्रदर्शनमा आउँदै छ ।