१६ कार्तिक २०७५, काठमाडौं
पोखरा प्रिमियर लिग (पीपीएल) क्रिकेटमा एक्सपर्ट धनगढी ब्लुजले बुटवल ब्लास्टरलाई २० रनले पराजित गरेको छ । पोखरा रंगशालामा १ सय ६२ को लक्ष्य पछ्याएको बुटवलले पूरा ओभर खेल्दा ६ विकेट गुमाएर १ सय ४१ रन मात्र बनायो ।
बुटवलका दुवै ओपनर रन आउट भएका थिए । सागर पुन १ रन बनाउँदा र रोहन मुस्तफा २० रन बनाउँदा आउट भए । चिराग सुरीले ५४ बलमा ७९ रन बनाए । भीम सार्की ५ रन बनाउँदा र शंकर राना शून्यमै आउट भए । सिद्धान्त लोहनीले १२ रन बनाए ।सोमपाल कामीले १२ रन बनाए । धनगढीका सागर ढकालले दुई र डान लोरेन्स र कमल सिंह ऐरीले एकरएक विकेट लिए । यसअघि टस जितेर पहिले ब्याटिङ गरेको धनगढीले पूरा २० ओभर खेल्दै ४ विकेट गुमाएर १ सय ६१ रन बनाएको थियो ।
ओपनिङमा आएका दिलिप नाथ र सुबेन्दु पाण्डे १०र१० रन बनाउँदा आउट भएका थिए । तेस्रो विकेट पिटर टे्रगो १४ रन बनाउँदा आउट भए पनि चौथो विकेटका लागि दिपेन्द्र सिंह ऐरी र डान लोरेन्सले प्रतियोगिताकै सबैभन्दा धेरै १ सय ८ रनको साझेदारी गरेका थिए ।
लोरेन्स ३९ बलमा ५२ रन बनाउँदा आउट भए भने दिपेन्द्र ३९ बलमा ५६ रन बनाउँदै अविजित रहे । सौरभ खनालले ४ बलमा १३ रन बनाएका थिए ।
बुटवलका विपिन खत्रीले दुई साथै रोहन मुस्तफा र अविनाश बोहराले एकरएक विकेट लिएका थिए ।
