नायिका स्वस्तिमा खड्काको बहुप्रतिक्षित चलचित्र बुलबुल को पहिलो गीत सार्वजनिक

१६ कार्तिक २०७५, काठमाडौँ

नायिका स्वस्तिमा खड्का पछिल्लो समयकी नेपालकी चलचित्रकी सर्वाधिक व्यस्त र चर्चित नायिका हुन् । चलचित्र होस्टेल रिटन्र्स बाट नेपाली चलचित्र जगत्मा प्रवेश गरेकी स्वस्तिमाले होस्टेल रिटन्र्स पछि एकाएक चलचित्रमा काम पाउँदै गइन् । स्वस्तिमा नेपालकी चर्चित मोडल पनि हुन् । उनले धेरै म्यूजिक भिडियोहरुमा काम गरिसकेकी छिन् ।

हाल नायिका स्वस्तिमा खड्का आफ्नो नयाँ चलचित्र बुलबुलमा व्यस्त छिन् । भर्खरै मात्र उनको चलचित्र बुलबुलको एक गीत सार्वजनिक भएको छ । कोशिश क्षेत्रीको शब्द र संगीत रहेको खुद्रा खाद्री माया बोलको गीतमा स्वस्तिमाका पति समेत रहेका नेपालका चर्चित निर्देशक निश्चल बस्नेत र नेपालकी चर्चित गायिका रजिना रिमालको आवाज रहेको छ । उक्त गीतलाई नेपालका चर्चित डान्स कोरियोग्राफर कविराज गहतराजले कोरियोग्राफी गरेका हुन् ।

निकै रमाईलो शैलीको गीतमा नायिका स्वस्तिमा खड्का फरक गेटअपमा प्रस्तुत भएकी छिन् । गीतमा मात्र नभएर चलचित्र बुलबुलमा पनि नायिका स्वस्तिमा खड्कालाई फरक लुक्समा देख्न सकिन्छ । चलचित्र बुलबुल फागुन ३ बाट देशव्यापी रुपमा प्रदर्शनमा आउने भएको छ ।