१६ कार्तिक २०७५, काठमाडौं
भुटानमा सम्पन्न साफ यू–१८ महिला च्याम्पियनसिप उपविजेता बनेको नेपाली महिला टोली नगदसहित सम्मान भएका छन् । अखिल नेपाल फुटबल संघ (एन्फा) ले उनीहरुलाई सम्मान गरेको हो ।
उनीहरुलाई एन्फाले प्रत्येकलाई ५० हजार जनहीका साथ सम्मान गरेको हो । उनीहरुलाई एन्फा–अध्यक्ष कर्मा छिरिङ शेर्पाले जनही ५० हजार हस्तान्तरण गरेका थिए । नेपाल खेलको अन्तिममा बंगलादेशसँग पराजित हुँदै उपविजेता बनेको थियो ।
थाईल्याण्डमा सम्पन्न यू– १९ को टिमलाई पनि सम्मान
एन्फाले यता यू–१९ का खेलाडीहरुलाई पनि सम्मान गर्ने भएको छ । एशियन छनौटअन्तर्गत दोस्रो चरणमा पुगेको नेपाली महिला टोली सम्मान हुने भएका हुन् ।
तर रकम कति दिने भन्नेबारे भने पुर्ण निर्णय नभएको बताईएको छ ।
