१७ कार्तिक २०७५, काठमाडौं
चौंथो संस्करणको साफ यू–१५ च्याम्पियनसिप अन्तर्गत तेस्रो स्थानका लागि आज भएको खेलमा नेपालले भारतसँग पराजित हुँदै चौंथो स्थानमा चित्त बुझाएको छ ।
सातदोबाटोस्थित एन्फा कम्प्लेक्समा आज भएको खेलमा नेपाल भारतद्वारा १–० ले पराजित भएको हो । भारतका लागि खेलको २७ औं मिनेटमा थालाचेउले गरेको गोलले नै भारतलाई तेस्रो स्थानका लागि योग्य बनायो । खेलको दोस्रो हाफमा पनि भारतको सुरक्षात्मक खेललाई नेपालले आक्रमण गर्न सकेन ।
यस जितसँगैं भारत प्रतियोगिताको तेस्रो स्थानमा उभिएको छ, भने नेपाल प्रतियोगिताबाट बाहिरिएको छ । आज अपराह्न दोस्रो तथा पहिलो स्थानका लागि पाकिस्तान र बंगलादेशबीच रोमाञ्चक खेल हुँदैछ ।
