बुद्ध लामा र मेलिना राईको नयाँ गीत सार्वजनिक, भिमफेदि गाईज फिचरिङमा

१८ कार्तिक २०७५, काठमाडौँ

बुद्ध नेपाल नेपालका पहिलो नेपाल आईडल हुन् । नेपाल आईडल सिजन १ को विजेता बनेसँगै उनको चर्चा चुलिदैँ गएको हो । बुद्ध लामा अहिलेका सर्वाधिक सफल र व्यस्त गायकको रुपमा स्थापित भैसकेका छन् । केहिसमय अघि उनको सानी नरिसाउ न बोलको गीत बजारमा आएको थियो । जुन गीतले अत्याधिक चर्चा पनि कमायो । हालैमात्र बुद्ध लामाको एक तिहार गीत सार्वजनिक भएको छ ।

प्रभा आचार्यको शब्द र वसन्त सापकोटाको संगीत रहेको रातो टिका निधारमा बोलको गीतमा अहिलेका चर्चित गायक बुद्ध लामा र नेपालकी चर्चित गायिका मेलिना राईको आवाज रहेको छ । उक्त गीतमा नेपालका टप डान्स ग्रुप भिमफेदि गाईजलाई फिचरिङ गराइएको छ । गीतलाई भिमफेदि गाईजका निर्मल तामाङले कोरियोग्राफी गरेका हुन् ।