बहुप्रतिक्षित चलचित्र प्रसाद को ट्रेलर सार्वजनिक

१८ कार्तिक २०७५, काठमाडौँ

चलचित्र प्रसाद यो वर्षको प्रतिक्षित चलचित्रमध्येको एक हो । चलचित्र सुटिङ फ्लोरमा जानु अगावै चर्चामा रहेको चलचित्र प्रसाद निसन्तान पति पत्नीको कथामा आधारित चलचित्र हो । चलचित्रको ट्रेलर भर्खरै सार्वजनिक भएको छ ।

ट्रेलर अगाडि रिलिज गरिएको लै लै बोलको गीतले बजारमा सर्वाधिक चर्चा पाईरहेको बेलामा चलचत्रिको ट्रेलर पनि सार्वजनिक गरिएको छ । ट्रेलरमा बच्चा नजन्मिएपछि पति पत्नीमा देखिएको असमझदारीलाई देखाइएको छ ।

चलचित्र प्रसाद मा विपिन कार्की, नम्रता श्रेष्ठ र निश्चल बस्नेतको  प्रमुख भूमिका रहेको छ । चलचित्रलाई बरिष्ठ निर्देशक दिनेश राउतले निर्देशन गरेका हुन् । चलचित्र प्रसाद मङ्सिर २१ बाट देशव्यापी रुपमा प्रदर्शनमा आउने भएको छ ।