अक्षयको खुलासा : ‘२.० मा जति मेकअप अहिलेसम्म जिन्दगीमा गरेको थिइन’

१८ कार्तिक २०७५, काठमाडौँ

अक्षय कुमार बलिउडका सुपरहिट अभिनेता हुन् । उनले बलिउडमा निकै सुपरहिट चलचित्रहरुमा काम गरिसकेका छन् । हालैमात्र अक्षय र तामिल चलचित्रका किङ्ग रजनी कान्तको चलचित्र २.० को ट्रेलर सार्वजनिक भएको थियो ।

२.० बलिउडमा अहिलेसम्मकै सबैभन्दा धेरै लगानी गरिएको चलचित्र हो । २.० को ट्रेलर सार्वजनिक गर्ने समयमा अक्षयले एउटा खुलासा गरेका थिए । हामीले ट्रेलरमै देख्न सक्छौँ २.० मा अक्षयको लुक्स अन्य चलचित्रहरुमा भन्दा निकै फरक छ । झट्ट हेर्दा उनलाई चिन्न पनि अप्ठ्यारो हुन्छ । अक्षयले त्यहि लुक्सबारे खुलासा गरेका छन् ।

अक्षय भन्छन् “अहिलेसम्म धेरै चलचित्रमा काम गरे तर २.० मा जस्तो मेकअप अहिलेसम्म आफ्नो जिन्दगीमा कहिले पनि गरेको थिइन । “अक्षय  २.० उनको लागि निकै विशेष चलचित्र भएको बताउँछन् । २.० को ट्रेलर हिजोमात्र सार्वजनिक भएको हो र यसले युट्युबमा निकै राम्रो भ्यूज पाईरहेको छ ।