शाहरुख खानको बहुप्रतिक्षित चलचित्र जिरो को ट्रेलर सार्वजनिक

१८ कार्तिक २०७५, काठमाडौँ

बलिउडका किङ्ग खानको रुपमा परिचित शाहरुख खान बलिउडका निकै चर्चित र डिमाण्डेड अभिनेता हुन् । उनले बलिउडमा धेरै सफल चलचित्रहरु दिईसकेका छन् । हाल शाहरुख आफ्नो आगामी चलचित्र जिरो मा व्यस्त छन् ।

जिरो शाहरुखको लागि सबैभन्दा महत्वपूर्ण चलचित्र हो । पछिल्ले समयमा उनका चलचित्रहरुले दर्शकबाट राम्रो साथ नपाईरहँदा जिरो शाहरुखलाई फेरि बलिउडमा चम्काउने चलचित्रको रुपमा देखिएको छ । चलचित्र जिरो मा सबैले शाहरुखको नयाँ लुक्स र क्यारेक्टर देख्न पाउने भएका छन् । त्यसैकारण पनि जिरो यो बर्षको बहुप्रतिक्षित चलचित्रको रुपमा देखिएको छ ।

जिरो कोे ट्र्लरमै पनि हामीले शाहरुखलाई फरक भूमिकामा देख्न सक्छौ । जिरो शाहरुखका लागि पनि महत्वपूर्ण चलचित्र भएकाले उनी स्वयम पनि यो चलचित्रको प्रदर्शनका लागि प्रतिक्षा गरिरहेको बताउँछन् ।