टोडलर्स स्कुलको स्पोटर्स डे कार्यक्रम सम्पन्न

१८ कार्तिक २०७५, काठमाडौँ

राजधानीको बौद्ध आनन्दपुरमा रहेको टोडलर्स स्कुलको स्पोटर्स डे कार्यक्रम शनिवार स्कुल प्रागंणमा सम्पन्न भयो । शुक्रबार तथा शनिवार गरी दुई दिन संचालित कार्यक्रममा प्ले ग्रुपदेखि कक्षा १ सम्मका विद्यार्थीहरुले विभिन्न ज्ञानवर्दक तथा मनोरञ्जनात्क खेलमा सहभागिता जनाएका थिए ।

त्यस्तै विद्यार्थीका अभिभावकहरुलाई पनि विविध मनोरञ्जनात्मक खेलमा सहभागी गराइएको थियो । विजयी विद्यार्थी तथा अभिभावकलाई स्कुलका अध्यक्ष टिजी श्रेष्ठ, प्रबन्ध निर्देशक गजेन्द्र कुमार लामा, संचालक समिति सदस्य सोनाम श्रेष्ठ, प्रिन्सिपल सुवास लामा, एकेडेमिक डाइरेक्टर रञ्जना कायस्थ लगायतले पुरस्कार तथा प्रमाणपत्र वितरण गरे ।

विद्यार्थीहरुलाई गुणस्तरीय शिक्षाका अतिरिक्त खेलकूदमा समेत संलग्न गराई शारीरिक तथा मानसिक रुपमा चुस्त दुरुस्त राख्न कार्यक्रम आयोजना गरिएको प्रिन्सिपल लामाले बताए । टोडलर्स स्कुल अन्तर्राष्ट्रिय मन्टेश्वरी काउन्सिल (आइएमसी)को सदस्यता प्राप्त नेपालको एक मात्र स्कुल हो ।