नेपाली चलचित्रमा काम गर्न पाउँदा निकै खुसी छु : सन्नी लियोनी

१८ कार्तिक २०७५, काठमाडौँ

सन्नी लियोनी बलिउडकी चर्चित  नायिका हुन् । उनलाई सबैले हट नायिकाको रुपमा हेर्ने गर्छन् । चर्चाले होस् वा आलोचनाले उनी बेला बेलामा मिडियामा आइरहन्छिन् । बलिउडका धेरै चलचित्रमा काम गरिसकेकी सनी अब नेपाली चलचित्रमा पन आउने भएकी छिन् ।

उनले पासवर्ड नामक नेपाली चलचित्रमा काम गर्ने भएकी छिन् । त्यतिमात्र नभएर उनी चलचित्रको एक आइटम गीतमा पनि देखिने भएकी छिन् । बलिउडमा नाम कमाइसकेकी सनीका नेपालमा पनि थुप्रै फ्यानहरु भएकाले उनको नेपाली चलचित्र हेर्न नेपाली दर्शकहरु पनि ज्यादै उत्साहित छन् ।

सनी आफूले नेपाली चलचित्रमा काम गर्न पाएकोमा निकै खुसी लागेका बताउँछिन् । आफुले बलिउड चलचित्र जत्तिकै नेपाली चलचित्रलाई पनि मन पराउने भएकाले सनीले उक्त चलचित्रमा काम गर्न राजी भएको बताएकी छिन् । चलचित्रको अधिकांश छायांकन लण्डनमा हुने चलचित्रका निर्देशकले जानकारी गराएका छन् ।