टंकसँग अशोक र ए.आर पहिलो पटक दाङमा प्रस्तुती दिदैँ, गीत गाएर मात्र नभएर कमेडि गरेर पनि दर्शकलाई मनोरञ्जन दिए

१८ कार्तिक २०७५, काठमाडौँ

नेपालका चर्चित गायक तथा संगीतकार टंक बुढाथोकीसँग मन बिनाको धन ठूलो की धन बिनाको मन गीत गाएर एकाएक चर्चामा आएका बाल गाएका अशोक आजभोलीका दिनमा अत्यन्तै व्यस्त छन् । छोटो समयमै सबैको मनमा बस्न सफल अशोकका अहिले यतिधेरै फ्यानहरु भएका छन् कि देशमा मात्र नभएर विदेशमा पनि उनको निकै खोजी हुन थालेको छ । त्यसैका कारण आजभोली अशोक देशविदेशका कार्यक्रममा निरन्तर व्यस्त भैरहेका छन् ।

अशोक दर्जी अहिले टंक बुढाथोकीसँग उनकै घरमा काठमाडौँमा बस्दै आएका छन् । भर्खरै मात्र आफ्नो दोस्रो गीत रेकर्ड गरेर भ्याएका अशोक टंक र उनका छोरा ए आरसँग पहिलो पटक सांस्कृतिक कार्यक्रममा लागि दाङ पुगेका छन् । दाङमा अशोक, टंक र ए आर को निकै भव्य र सव्य तरिकाले स्वागत गरियो ।

दाङमा अशोकलाई हेर्ने दर्शकको बाढी नै आएको थियो । हजारौँ दर्शकको भिडमा अशोक र ए।आर ले आफ्नो दमदार प्रस्तुतीका कारण दाङको माहोल निकै तताइदिएका थिए ।यसपटक गीत गाएर मात्र नभएर अशोक र ए.आरले कमेडि गरेर पनि दर्शकलाई निकै मनोरञ्जन गराए । दाङमा अशोक, टंक र ए.आरले आफ्नो राम्रा राम्रा गीतका कारण दाङमा सबैलाई निकै खुसी बनाए ।