१९ कार्तिक २०७५, काठमाडौं
उपराष्ट्रपति नन्दबहादुर पुनले तिहार, छठ एवम् नेपाल संवत् ११३९ को अवसरमा आज अपरान्ह शुभकामना आदान प्रदान तथा जलपान समारोहको आयोजना गर्नुभएको छ । उपराष्ट्रपतिको कार्यालय, बहादुरभवनमा आयोजना हुने जलपान समारोह अपराह्न साढे २ बजेबाट सुरु हुने उपराष्ट्रपतिको कार्यालयले जनाएको छ ।
उपराष्ट्रपतिले यसअघि कात्तिक १६ गते जलपान समारोहको आयोजना गर्ने तयारी गर्नुभएको थियो । तर सोही दिन प्रमुख प्रतिपक्षीदल नेपाली कांग्रेसले पनि जलपान कार्यक्रम आयोजना गरेपछि उपराष्ट्रपतिको जलपान समारोह आजका लागि सारिएको हो ।
जलपान कार्यक्रममा विभिन्न दलका नेता, सरकारी उच्च पदस्थ कर्मचारी कुटनीतिक नियोगका पदाधिकारीलगायतलाई उपस्थितिका लागि आह्वान गरिएको छ ।
