चङ्गा चेटले गर्यो धमाकेदार ओपनिङ, देशभरका हलमा चलचित्र हाउसफूल

१९ कार्तिक २०७५, काठमाडौँ

गोजीमा दाम छैन बोलको गीमत बजारमा निकै चर्चामा छ । साना बच्चादेखि बुढाबुढीले समेत यो गीतलाई निकै रुचाएका छन् । यो चलचत्रि चङ्गा चेटको हो । चलचित्र चङ्गा चेट यहि कार्तिक १६ बाट देशव्यापी रुपमा प्रदर्शनमा आएको छ । चलचित्र चङ्गा चेटले अहिले निकै राम्रो कमाई गरिरहेको चलचित्रका निर्माताले बताएका छन् ।

मल्टिस्टारर कलाकारको अभिनय रहेको चलचित्रमा बेरोजगार युवाको कथालाई कमेडि तरिकाले प्रस्तुत गर्न खोजिएको छ । अधिकांश दर्शकले यसको कथावस्तु र कमेडि पक्षलाई बढी रुचाएका छन् । शुक्रबारबाट प्रदर्शनमा आएको चलचित्र हलहरुमा हाउसफूल रहेको यसका निर्माताले बताएका छन् । बिदाको समय परेर चलचित्रको व्यापार अझ बढ्ने चलचित्र निर्माण टिमले बताएको छ ।

चलचित्र चङ्गा चेटलाई दिपेन्द्र के खनालले निर्देशन गरेका हुन् भने चलचित्रमा माधव वाग्लेको लगानी रहेको छ । चलचित्रमा प्रियंका कार्की, आयुष्मान जोशी, सन्दिप क्षेत्री, परमिता राणा, रबिन्द्र झा, सुरक्षा पन्त लगायतका कलाकारको अभिनय रहेको छ ।