चर्चित नायक आकाश श्रेष्ठको आज जन्मदिन

१९ कार्तिक २०७५, काठमाडौँ

अभिनेता आकाश श्रेष्ठ नेपाली चलचित्र क्षेत्रका स्थापित नायक बनिसकेका छन् । चलचित्र म त तिमै्र हुँ बाट नेपाली रजतपटमा भित्रिएका आकाशले तिमी सँग र रामकहानी जस्ता सफल चलचित्रमा काम गरिसकेका छन् ।

उनी चलचित्रमा मात्र नभएर म्यूजिक भिडियोमा पनि उत्तिकै सफल छन् । अब फेरि आकाशले नयाँ चलचित्रमा साइन गरेका छन् । २ बर्ष अगाडि रिलिज भएको सफल चलचित्र विर विक्रम को सिक्वेलमा विर विक्रम २ बन्ने भएको छ । जसका लागि आकाश मुख्य भूमिकामा अनुबन्धित भैसकेका छन् ।

आज यिनै नायक आकाश श्रेष्ठको जन्मदिन रहेको छ । आजबाट उनी २५ बर्षमा प्रवेश गरेका छन् । हेर्दा राम्रो लुक्स देखिने आकाशलाई आज जन्मदिनको उपलक्ष्यमा शुभकामना विहानदेखि नै उनका आफन्त र फ्यानहरुले दिइराखेका छन् ।