यो वर्ष दिईन् स्वस्तिमाले लगातार ३ सुपरहिट चलचित्र

१९ कार्तिक २०७५, काठमाडौँ

नायिका स्वस्तिमा खड्का पछिल्लो समयकी नेपाली चलचित्रकी सर्वाधिक व्यस्त र चर्चित नायिका हुन् । चलचित्र होस्टेल रिटन्र्स बाट नेपाली चलचित्र जगत्मा प्रवेश गरेकी स्वस्तिमाले होस्टेल रिटन्र्स पछि एकाएक चलचित्रमा काम पाउँदै गइन् । स्वस्तिमा नेपालकी चर्चित मोडल पनि हुन् । उनले धेरै म्यूजिक भिडियोहरुमा काम गरिसकेकी छिन् ।

हाल नायिका स्वस्तिमा खड्का आफ्नो आगामी चलचित्र बुलबुलको प्रसारप्रचारका लागि व्यसत छिन् । नायिका स्वस्तिमा खड्काले यो बर्ष ३ सुपरहिट चलचित्र दिइसकेकी छिन् । यो बर्ष उनको पहिलो सफल चलचित्र नाई नभन्नु ल ५ बन्न पुग्यो । नाई नभन्नु ल ५ मा मुख्य भूमिकामा उनी नै थिइन् । त्यसैगरी यो बर्षको स्वस्तिमाको अर्को सफल चलचित्र जय भोले बन्न पुग्यो । जय भोले मा उनी सिङ्गल नायिका थिइन् । जय भोले ले पनि बक्सअफिसमा राम्रो कमाई गर्न सफल भयो । त्यसैगरी यो बर्षको ब्लकबस्टर चलचित्र छक्का पञ्जा ३ मा पनि उनले अभिनय गरेकी थिइन् । यो चलचित्रमा उनी मुख्य नायिकाको रुपमा थिइनन् तर चलचित्र सफल भएकोमा उनको पनि नाम भने जोड्न सकिन्छ । त्यतिमात्र नभएर यसै बर्ष उनको बहुप्रतिक्षित चलचित्र बुलबुल पनि प्रदर्शनमा आउँदै छ । स्वस्तिमाले यो बर्ष अहिलेसम्मको रिजल्ट हेर्ने हो भने सुपरहिट चलचित्रको ह्याट्रिक बनाएकी छिन् ।