आज आकाशको जन्मदिनमा फ्यानहरुले दिए उनलाई सुनको औठी गिफ्ट

१९ कार्तिक २०७५, काठमाडौँ

आज नायक आकाश श्रेष्ठको जन्मदिन रहेको छ । आजबाट उनी २५ बर्षमा प्रवेश गरेका छन् । हेर्दा राम्रो देखिने आकाशलाई आज जन्मदिनको उपलक्ष्यमा शुभकामना विहानदेखि नै उनका आफन्त र फ्यानहरुले दिइराखेका छन् ।

आज आकाशको लािग उनको जन्मदिन निकै विशेष बनेको छ । आकाशका फ्यानहरुले उनको जन्मदिनलाई निकै खास बनाईदिएका छन् । उनका फ्यानहरुले उनको नाम र फोटो राखेको केक बनाएर ल्याएका थिए । त्यतिमात्र नभएर आकाशका फ्यानहरुले उनको लागि स्पेशल गिफ्टहरु पनि ल्याएका थिए । आकाशले आज आफ्ना केहि फ्यान र पूजा शर्मासँग मिलेर आफ्नो जन्मदिन मनाएका छन् ।

आज आकाशको जन्मदिनमा उनका फ्यानहरुले उनलाई सुनको औठी गिफ्ट दिएका छन् । त्यतिमात्र नभएर उनलाई नेपाल बाहिर रहेका उनका फ्यानहरुले उनको लागि विशेष उपहारहरु पनि पठाएका दिए । उनको फ्यानहरुको यति धेरै माया देखेर आकाश निकै खुसी भएका थिए । जे होस् आज उनले आफ्नो जन्मदिन पूजा र आफ्ना फ्यानहरुसँग बसेर रमाइलोसँग मनाए ।