मुन्द्रको कमेडि क्लब को भयो सुरुवात, पहिलो एपिसोडमा दिपकराज गिरी आए गेष्टको रुपमा

२० कार्तिक २०७५, काठमाडौँ

नेपालका चर्चित हाँस्यकलाकार जितु नेपाल अर्थात् सबैका प्यारा मुन्द्रेले मुन्द्रेको कमेडि क्लब नामक हाँस्यप्रधान रियालिटि शो ल्याएका छन् । उक्त शो नेपाल टेलिभिजनबाट प्रशारण भएको छ । शोमा हरेक हप्ता नयाँ कलाकारलाई बोलाएर उनीहरुसँग रमाईला कुराकानीहरु गरिने छ । यो शो को दुई एपिसोड छायांकन पनि भैसकेको छ । यो शो को अध्यक्ष बरिष्ठ निर्देशक तथा हाँस्यकलाकार दिपाश्री निरौला रहने छिन् । अहिलेसम्म यस्ता खालका शो नल्याईएको हुँदा यो शो केहि विशेष बन्ने देखिन्छ ।

मुन्द्रको कमेडि क्लबको पहिलो एपिसोड टेलिभिजनमा प्रशारण भएको छ । पहिलो एपिसोडमा उनले दिपकराज गिरीलाई गेष्टको रुपमा ल्याएका थिए । मुन्द्रको कमेडि क्लब निकै गुणस्तरीय स्तरमा प्रशारण गरिने भएको छ । त्यहाँका हरेक कुराहरु निकै राम्रो तरिकाले मिलाईएको छ । पहिलो एपिसोडमै उनले दर्शकलाई पेट मिची मिची हाँस्न बाध्य गराए । यो हप्ताको एकदिन प्रशारण हुने गर्दछ । जे होस् लामो समयपछि सानो पर्दामा फर्किएका मुन्द्रले आफ्नो शो बाट सकरात्मक प्रतिक्रिया पाइरहेका छन् ।