आकाश श्रेष्ठ र जोया मल्लको नयाँ गीत सार्वजनिक

२० कार्तिक २०७५, काठमाडौँ

अभिनेता आकाश श्रेष्ठ नेपाली चलचित्र क्षेत्रका स्थापित नायक बनिसकेका छन् । चलचित्र म त तिमै्र हुँ बाट नेपाली रजतपटमा भित्रिएका आकाशले तिमी सँग र रामकहानी जस्ता सफल चलचित्रमा काम गरिसकेका छन् । उनी चलचित्रमा मात्र नभएर म्यूजिक भिडियोमा पनि उत्तिकै सफल छन् । हालैमात्र आकाशको नयाँ म्यूजिक भिडियो सार्वजनिक भएको छ ।

राजनराज शिवाकोटीको शब्द संगीत रहेको ओइलियो फूलको थुङ्गो बोलको गीतमा राजनराज शिवाकोटी, मिलन अमात्य र गृष्मा शिवाकोटीको अवाज रहेको छ । निकै रमाईलो शैलीको गीतमा आकाश श्रेष्ठ र जोया मल्ललाई फिचरिङ गराइएको छ । उक्त गीतलाई गम्भिर विष्टले कोरियोग्राफी गरेका हुन् ।