साम्राज्ञीले महंगो पारिश्रमिक लिएर गरिन् नयाँ चलचित्र साइन

२० कार्तिक २०७५, काठमाडौँ

नायिका साम्राज्ञी राज्यलक्ष्मी शाह नेपालकी निकै डिमाण्डेड र चर्चित नायिका हुन् । चलचित्र ड्रिम्सबाट नेपाली चलचित्रमा आएकी साम्राज्ञीले ड्रिम्सपछि पछाडि फर्केर हेर्नु परेको छैन । उनी एकपछि अर्को चलचित्रमा अनुबन्धित हुँदै गएकी छिन् । केहिसमय अघि साम्राज्ञीको इन्टु मिन्टु लण्डनमा नाम चलचित्र प्रदर्शनमा आएको थियो । जुन चलचित्र बक्सअफिसमा सफल साबित भयो ।

इन्टु मिन्टु लण्डनमा पछि नायिका साम्राज्ञी भर्खरै मात्र एक नयाँ चलचित्र साइन गरेकी छिन् । निमात्री पुनम गौतमको नयाँ चलचित्रमा साम्राज्ञी फाइनल भैसकेकी छिन् । बुभिलएअनुसार साम्राज्ञीले यो चलचित्रमा निकै महंगो पारिश्रमिक लिएकी छिन् । पुनमले साम्राज्ञीलाई १५ लाख रुपैया दिइएको बुझिएको छ । साम्राज्ञलिे आफूलाई उक्त चलचत्रिको कथावस्तु एकदमै मन परेकाले चलचित्र गर्न निकै उत्साहित रहेको बताएकी छिन् । चलचित्रको नाम भने खुलाइएको छैन ।

चलचित्रमा साम्राज्ञी बाहेक अरु कोहिपनि कलाकार फाइनल भएका छैनन् । चलचित्र ३ साथीहरुको कथामा आधारित रहने बताइएको छ । चलचित्रको छायांकन माघको दोस्रो हप्ताबाट जाने भएको छ ।