प्रियंका चोपडाले निर्माण गरेको नेपाली चलचित्र पाहुना डिसेम्बर ७ देखि प्रदर्शनमा आउँदै

२० कार्तिक २०७५, काठमाडौँ

बलिउड नायिका प्रियंका चोपडा बलिउडमा मात्र नभएर हलिउडमा पनि उत्तिकै सक्रिय छिन् । उनले बलिउडमा धेरै सफल चलचित्रमा काम गरिसकेकी छिन् । बलिउड हलिउड मात्र नभएर प्रियंका नेपाली चलचित्रकी निर्मात्री पनि भएकी छिन् ।

प्रियंकाले पहिलो पटक निर्माण गरेको नेपाली चलचित्र पाहुना को प्रदर्शन मिति घोषणा गरिएको छ । उक्त चलचित्र बालबालिकाको कथामा आधारित छ । उक्त चलचित्र डिसेम्बर ७ बाट सबै हलहरुमा प्रदर्शनमा आउने भएको छ । प्रियंका चोपडा आफ्नो पहिलो नेपाली चलचित्रको प्रदर्शनको लागि निकै उत्साहित रहेको बताउँछिन् ।