२१ कार्तिक २०७५, काठमाडौँ
आश्मा विश्वकर्मा नेपालकी चर्चित डान्सर हुन् । नेपालको सबैभन्दा चर्चित डान्स ग्रुप द कार्टुन्ज क्रु की एकमात्र लेडी डान्सरको रुपमा आएकी आश्मालाई सबैले कार्टुन्ज क्रु बाटै चिनेका हुन् । उनको डान्सको सबैभन्दा धेरै प्रशंशा हुने गरेको छ । त्यतिमात्र नभएर हामी आश्मालाई नेपालको पहिलो बी गर्लको रुपमा पनि हेर्न सक्छौँ ।
आश्मा आफूलाई डान्समा मात्र नभएर एक्टिङमा पनि निकै रुचि भएको बताउँछिन् । उनले केहि वेब सिरिजहरु पनि गरेकी छिन् । उनले गरेक हाम्रो हाईस्कुल र २१ फस्ट लब जस्ता वेब सिरिजहरु निकै चर्चित भएका थिए । त्यस्तै उनको नयाँ वेब सिरिज पनि आउने भएको छ ।
आश्माले उनको नयाँ वेब सिरिजको टिजर रिलिजको कार्यक्रममा आफ्नो मनको कुरा खोलेकी छिन् । उनले आफूलाई चलचित्रमा पनि काम गर्न अत्यन्तै रहर भएको बताएकी छिन् । आश्मा राम्रो डान्सर मात्र नभएर राम्रो कलाकार पनि हुन् । उनले धेरै चलचित्रबाट अफर आउने गरेको तर स्क्रिप्ट चित्त नबुझेर काम नगरेको बताएकी छिन् । त्यस्तै राम्रो स्क्रिप्ट छानेर नेपाली चलचित्रमा काम गर्ने उनले बताएकी छिन् ।
