बहुप्रतिक्षित चलचित्र प्रसाद को पोस्टर रिलिज

२१ कार्तिक २०७५, काठमाडौँ

चलचित्र प्रसाद यो वर्षको प्रतिक्षित चलचित्रमध्येको एक हो । चलचित्र सुटिङ फ्लोरमा जानु अगावै चर्चामा रहेको चलचित्र प्रसाद निसन्तान पति पत्नीको कथामा आधारित चलचित्र हो । आज तिहारको लक्ष्मीपूजाको दिन चलचित्र प्रसाद को फस्टलुक सार्वजनिक भएको छ ।

चलचित्र प्रसाद मा विपिन कार्की, नम्रता श्रेष्ठ र निश्चल बस्नेतको  प्रमुख भूमिका रहेको छ । चलचित्रलाई बरिष्ठ निर्देशक दिनेश राउतले निर्देशन गरेका हुन् । चलचित्र प्रसाद मङ्सिर २१ बाट देशव्यापी रुपमा प्रदर्शनमा आउने भएको छ । हाल चलचित्रको लै लै बोलको गीत निकै चर्चामा रहेको छ ।