श्रीदेवीसँग काम गर्न नपाएकोमा सधैँ अपसोच लाग्छ : आमिर खान

२१ कार्तिक २०७५, काठमाडौँ

आमिर खान बलिउडका निकै चर्चित अभिनेता हुन् । उनी आजभोली कमै मात्र चलचित्रमा काम गर्छन् तर उनको चलचित्र बक्सअफिसमा सधैँ बल्कबस्टर साबित हुने गर्छ । हाल उनी आफ्नो चलचित्र ठग्स अफ हिदुस्तानमा व्यस्त छन् ।

आमिर खान आफूलाईृ श्रीदेवी र अमिताभ बच्चनको निकै ठूलो फ्यान रहेको बताउँछन् । उनले सधैँभरि आफूलाई अमिताभ बच्चन र श्रीदेवीसँग काम गर्ने इच्छा भएको बताउँछन् । हालैमात्र आमिरले आफूले अमिताभसँग काम गर्ने इच्छा पुरा भएकोमा निकै खुसी भएको बताएका छन् । तर उनी आफूलाई श्रीदेवीसँग काम गर्न नपाएकोमा निकै अपसोच लागेको बताउँछन् ।

आफू श्रीदेवीको निकै ठूलो फ्यान रहेको तर उनीसँग काम गर्ने मौका कहिल्यै नपाएकोमा आफूलाई निकै दुख लाग्ने आमिरले बताएका छन् । त्यतिमात्र नभएर आमिरले श्रीदेवीलाई आफ्नो आखाँमा राख्ने गरेको पन बताएका छन् । श्रीदेवीसँग काम गर्ने सपना अधुरै रहेकोमा आफूलाई सधौ नरमाईलो लाग्ने आमिरले बताएका छन् ।