प्रियंका र निकको विवाहको फोटो खिच्नको लागि म्यागजिनसँग २५ करोडको सम्झौता

२६ कार्तिक २०७५, काठमाडौँ

बलिउडकी चर्चित नायिका प्रियंका चोपडा आफ्ना प्रेमी निक जोनससँग यहि डिसेम्बर १ मा वैवाहिक सम्बन्धमा बाधिदैँ छिन् । उनले केहि समय अघि आफ्ना प्रेमी निकसँग इन्गेजमेन्ट पनि गरेकी थिइन् । प्रियंका बलिउड मात्र नभएर हलिउडकी पनि नाम चलेकी नायिका हुन् भने उनका प्रेमी निक पनि चर्चित गायक नै हुन् ।

सेदुवैजना सेलेब्रेटि भएका कारण उनीहरुको विवाहको फोटो खिच्नको लागि धेरै मिडियाहरु तयार भएर बसेका छन् । तर भर्खरै मात्र प्रियंका र निकले आफ्नो विवाहको फोटो खिच्नको लागि एक म्यागजिनसँग सम्झौता गरेको कुरा सार्वजनिक भएको छ । प्रियंका र निकले उक्त म्यागजिनलाई आफ्नो विवाहको फोटो खिच्नको लागि २५ करोड रुपैयाँ दिने भएका छन् । हाल म्यागजिनको नाम भने खुलाइएको छैन ।

हाल प्रियंका र निक आफ्नो विवाहको तयारीमा लागि परेका छन् । प्रियंका मात्र नभएर बलिउडकी अर्की चर्चित नायिका दिपिका पादुकोण पनि आफ्ना प्रेमी रणवीर सिंशसँग विवाह गर्दैछिन् । संयोगले प्रियंकाको विवाह र दिपिकाको विवाहको रिसेप्सन पार्टि एकै दिन परेको छ ।