छक्का पञ्जा ३ बनायो अमेरिकामा पनि रेकर्ड

२६ कार्तिक २०७५, काठमाडौँ

यो बर्ष सबैभन्दा धेरै पैसा कमाउन सफल चलचित्र हो छक्का पञ्जा ३ । छक्का पञ्जा ३ ले यो बर्ष मात्रै नभएर नेपाली चलचित्र क्षेत्रमा सबैभन्दा धेरै पैसा कमाउने चलचत्रिको पनि रेकर्ड बनाएको छ ।

नेपालमा सफल प्रदर्शन सकेर हाल छक्का पञ्जा ३ अमेरिकामा पनि प्रदर्शन भैरहेको छ । अमेरिका नेपालीको बाक्लो बस्ती भएको देश हो । त्यसैले पनि अमेरिकामा नेपाली चलचित्रहरु प्रदर्शन गर्ने गरिन्छ । छक्का पञ्जा ३ ले नेपालमा मात्रै नभएर अमेरिकामा पनि रेकर्ड बनाएको छ । अहिलेसम्मको तथ्याङ्कलाई हेर्ने हो भने अमेरिकामा ३ हप्तासम्म चलचित्र प्रदर्शन भएको छ । तर छक्का पञ्जा ३ ले १ महिनासम्म अमेरिकामा प्रदर्शन गरेर नयाँ रेकर्ड बनाइदिएको छ ।

चलचित्र छक्का पञ्जा ३ को निकै राम्रो सफलता देखेर यस चलचित्रकी निर्देशक दिपाश्री निरौला फुरुङ्ग छिन् । चलचित्र छक्का पञ्जा ३ मा दिपकराज गिरी, केदार घिमिरे, जितु नेपाल, बुद्धि तामाङ, निर शाह, दिपिका प्रसाई, जयनन्द लामा, लक्ष्मी गिरी, स्वस्तिमा खड्का, प्रियंका कार्की, सन्जोग कोइराला लगायतका कलाकारको अभिनय रहेको छ ।