हजुरबुबा विरमी भएका कारण विर विक्रम २ छोडे आकाशले

२७ कार्तिक २०७५, काठमाडौँ

नायक आकाश श्रेष्ठ अहिलेका चर्चित र व्यस्त अभिनेता हुन् । उनले केहि चलचित्र र थुप्रै म्यूजिक भिडियोहरुमा काम गरिसकेका छन् । अहिले आकाशको डिमाण्ड चलचित्रमा निकै बढ्न थालेको छ । उनी केहिदिन अगाडी मात्र चलचित्र विर विक्रम २ मा मुख्य भूमिकामा अनुबन्धित भएका थिए ।

चलचित्रमा साइन गरेको केहि दिनमै आकाशले उक्त चलचित्रबाट हात झिकेका छन् । चलचित्रको छायांकन सुरु हुने बेलामा आकाशले चलचित्र छाडेका हुन् । उनले केहिदिन अघिमात्र चलचित्र विर विक्रम २ गर्न पाएकोमा आफू निकै खुसी भएको बताएका थिए । तर अन्तिममा आएर उनले सबैसँग माफी माग्दै चलचित्र छाडेका छन् ।

आफ्नो हजुरबुबा विरामी भएको र उहाँको रेखदेख गर्नको लािग कोहिपनि नभएकाले आफूले चलचित्रमा समय दिन नसक्ने भएकाले चलचित्रबाट हात झिकेको आकाशले बताएका छन् । चलचित्रमा आकाशका अलवा नाजिर हुसेन र बर्षा सिवाकोटी फाइनल भैसकेका छन् ।