‘सम्हालिन्छ कहिले मन’ मा पूजाले लिइन् १५ लाख

२७ कार्तिक २०७५, काठमाडौँ

नायिका पूजा शर्मा पछिल्लो समयमा निकै नाम चलेकी र व्यस्त नायिका हुन् । चलचित्रमा क्षेत्रमा आएको लामो समयसम्म दर्शकको साथ नपाएकी पूजालाई सबैले प्रेम गीत बामट नोटिस गर्न थालेका हुन् । त्यसपछि उनले गरेका चलचित्रहरु पनि सफल हुँदै गए र पूजा पनि सबैकी प्यारी बन्दै गइन् । केहिसमय अघिमात्र उनको चलचित्र रामकहानी प्रदर्शनमा आएको थियो । उक्त चलचित्र बक्सअफिसमा सफल पनि साबित भयो ।

पूजा अहिले सम्हालिन्छ कहिले मन नामक चलचित्रमा अनुबन्धित भैसकेकी छिन् । हरेक चलचित्रमा नयाँ नायकसँग रोमान्स गर्दै आएकी पूजाले यो चलचित्रमा पनि एक नयाँ नायकसँग काम गर्दैछिन् । यो चलचित्रको लागि पूजाले महंगो पारिश्रमिक लिएको बुझिएको छ ।

नेपालमा नायकहरुको डिमाण्ड बढेसँगै नायिकाहरुले पनि आफ्नो पारिश्रमिक बढाउन थालेका छन् । पूजाकै कुरा गर्दा पनि उनी यो चलचत्रिमा १५ लाखमा अनुबन्धित भएकी छिन् । यो चलचित्रलाई सुदर्शन थापाले निर्देशन गर्दैछन् । चलचित्र माघबाट छायांकनमा जाने बताइएको छ ।