आकाशले छोडेपछि ‘विर विक्रम २’ मा पल फाइनल

२७ कार्तिक २०७५, काठमाडौँ

नायक पल शाह अहिलेका चर्चित र डिमाण्डेड अभिनेता हुन् । म्यूजिक भिडियोबाटै निकै चर्चा पाएका उनले चलचित्रमा आएपछि पनि दर्शकको निकै माया पाए । उनको पहिलो चलचित्रलाई नै दर्शकले निकै मन पराइदिए । अहिले पल चलचित्रमा निकै व्यस्त पनि छन् ।

हालैमात्र पलले एक नयाँ चलचित्र साइन गरेका छन् । मिलन चाम्सले निर्देशन गर्ने चलचित्र राधा २ मा केहिसमय अघि आकाश श्रेष्ठ फाइनल भएका थिए । तर चलचित्र छायांकनमा जाने बेलामा आकाशले चलचित्रबाट हात झिकेका छन् । आफ्नो हजुरबुबाको स्वास्थ्यका कारण आकाशले चलचित्र छोडेपछि आकाशको ठाउँमा पल शाह अनुबन्धित भएका छन् ।

अब चलचित्रमा पल शाहको मुख्य भूमिका रहने छ । चलचित्रमा पलका साथ नाजिर हुसेन, बर्षा सिवाकोटी लगायतका कलाकारको मुख्य भूमिका रहने छ । चलचित्रको छायांकन अर्को साताबाट सुरु हुने मिलनले बताएका छन् ।