हजार जुनीसम्म का लागि आर्यनले फेरे रुप

२८ कार्तिक २०७५, काठमाडौँ

नायक आर्यन सिग्देल कुनै समयका निकै चर्चित र डिमाण्डेड नायक हुन् । चलचित्र किस्मत बाट नेपाली चलचित्र क्षेत्रमा आएका आर्यनले धेरै सफल चलचित्रहरुमा काम गरिसकेका छन् । आजभोली आर्यन चलचत्रिमा त्यति देखिदैनन् । पछिल्लो समयमा उनको कायरा चलचित्र प्रदर्शनमा आएको थियो ।

अब आर्यन विकाश आचार्यको हजार जुनीसम्म नामक चलचित्रमा देखिने भएका थिए । उक्त चलचित्रमा उनको जोडि चर्चित नायिका प्रियंका कार्कीसँग बाधिँदै छ । चलचित्रको लागि आर्यनले महंगो पारिश्रमिक लिएको बुझिएको छ ।

चलचित्रमा आर्यन नयाँ भूमिकामा देखिने भएका छन् । त्यसको लागि उनले आफ्नो रुप पनि परिवर्तन गरेका छन् । आजभोली आर्यनको फेरिएको रुपले सामाजिक सञ्जालमा राम्रै स्थान पाइरहेको छ । उनको फेरिएको लुक्समा उनको निकै लामो दारी देख्न सकिन्छ । चलचित्र अर्को भदौमा सुटिङ फ्लोरमा जाने बताइएको छ ।