राहुल र एलिशाको नयाँ गीत सार्वजनिक

२९ कार्तिक २०७५, काठमाडौँ

राहुल शाह नेपालका टप डान्सर हुन् । मन मगन गीतमा कोरियोग्राफी गरेदेखि उनको हाइप बढेको हो । उनले थुप्रै म्यूजिक भिडियोहरुमा काम गरिसकेका छन् । त्यस्तै कमल खत्री पनि नेपालका निकै चर्चित पप गायक हुन् । भर्खरै मात्र बजारमा कमल खत्रीको नयाँ गीत सार्वजनिक भएको छ ।

निमा राईको शब्द र संगीत रहेको नजिक नजिक बोलको गीतमा कमल खत्रीको आवाज रहेको छ । गीतमा राहुल शाह र नेपालकी चर्चित मोडल तथा नायिका एलिशा राईलाई फिचरिङ गराइएको छ । उक्त गीतलाई राहुल आफैँले कोरियोग्राफी गरेका हुन् । निकै डान्सिङ शैलीको गीतमा राहुल र एलिशाको दमदार डान्स देख्न सकिन्छ ।