चलचित्र भिलेनको नयाँ गीत रिलिज

२९ कार्तिक २०७५, काठमाडौँ

निखिल उप्रेती नेपाली चलचित्र क्षेत्रका नाम चलेका नायक हुन् । उनले धेरै सफल चलचित्रहरुमा काम गरिसकेका छन् । पछि उनले नायिका सञ्चिता लुईटेलसँग विवाह गरेपछि उनी नेपाली चलचित्र क्षेत्रबाट टाढिएका थिए । अहिले फेरि उनी नेपाली चलचित्रमा देखिन थालेका छन् ।

उनको रिलिजको पर्खाइमा रहेको चलचित्र भिलेन को नयाँ गीत सार्वजनिक भएको छ । एकनारायण भण्डारीको शब्द र लाल कुमार बरालको संगीत रहेको च्यानाकुटी झ्याई बोलको गीतमा रामचन्द्र काफ्ले र अञ्जु पन्तको आवाज रहेको छ । उक्त गीतलाई दिपेन्द्र तिमल्सिना र दिपक श्रेष्ठले कोरियोग्राफी गरेका हुन् ।

चलचत्रि भिलेनमा निखिल उप्रेती, शिल्पा पोखरेल, निशा अधिकारी, कपिल खत्री लगायतका कलाकारको अभिनय रहेको छ । चलचित्रलाई देवेन्द्र पाण्डेले निर्देशन गरेका हुन् ।