के हेमराजको नयाँ चलचित्रमा सँगै देखिदैँछन् प्रदिप र साम्राज्ञी ?

२९ कार्तिक २०७५, काठमाडौँ

नायक प्रदिप खड्का युवामाझ निकै चर्चित अभिनेता हुन् । उनी आजभोली निकै व्यस्त र डिमाण्डेड पनि बन्दै गइरहेका छन् । त्यस्तै नायिका साम्रज्ञी राज्यलक्ष्मी शाह पनि नेपलकी नाम चलेकी नायिका हुन् । यी दुवै नेपालका चर्चित अभिनेता भएका कारण दर्शकले यी दुईलाई सँगै पर्दामा हेर्ने रहर गरेका छन् ।

यी दुईले सँगै काम गर्न पाउने चलचित्रहरु छोडेका थिए । छक्का पञ्जा २ को पनि पहिलो रोजाईमा प्रदिप र साम्राज्ञी नै परेका थिए । तर दुवैले चलचित्र अस्वीकार गरे । त्यसतै चलचत्रि भैरवीमा पनि प्रदिप र साम्राज्ञीको जोडि बन्ने कुरा थियो । तर प्रदिपले चलचित्र साइन गरेपनि साम्राज्ञी उक्त चलचित्र गर्न राजी भइनन् ।

अहिले बरिष्ठ निर्देशक हेमराज बि.सी पनि यी दुईलाई लिएर चलचित्र बनाउने सोचमा रहेका छन् । चलचित्रमा प्रदिप फाइनल भैसकेका छन् । तर साम्राज्ञीले भने चलचित्र साइन गरेकी छैनन् । तर यो चलचित्रमा प्रदिप र साम्राज्ञीको जोडि देख्न पाइने सम्भावना प्रवल देखिएको छ । किनकी साम्राज्ञी यो चलचित्र गर्ने मुडमा छिन् । अब केहि दिनमा नै चलचित्रको एक कार्यक्रम मार्फत् घोषणा गरिने छ । त्यतिबेला साम्राज्ञीले चलचित्र गर्ने वा नगर्ने थाहा हुन्छ । यदि प्रदिप र साम्राज्ञीको जोडि यो चलचित्रमा बन्न गएमा पक्कै पनि हेमराजको चलचित्र सुपरहिट हुन्छ ।